ट्याक्टर दुर्घटनामा घाइते १४ वर्षीय बालकको मृत्यु

खोटाङमा शुक्रबार दिउँसो भएको ट्याक्टर दुर्घटनामा घाइतेमध्ये एक बालकको मृत्यु भएको छ। दिक्तेल रुपाकोट मझुवागढी नगरपालिका–५ लफ्याङका १४ वर्षीय दिवस परियारको उपचारका क्रममा मृत्यु भएको हो।

दिक्तेल रुपाकोट मझुवागढी नगरपालिका–६ नेर्पास्थित भुलभुले दूधकुण्डमा लागेको धार्मिक मेलाबाट भक्तजन बोकेर फर्किरहेको ना.५ त ४५५५ नम्बरको ट्याक्टर सोही नगरपालिकाको वडा नम्बर २ सोल्मास्थित छेपेखोलामा दिउँसो करिब २:३० बजे दुर्घटनामा परेको थियो।