रुसले डिजेलको निर्यातमा लगायो पूर्ण प्रतिबन्ध

मस्को । रुसले डिजेल निर्यातमा पूरै प्रतिबन्ध लगाएको छ । युक्रेनले रुसी तेल प्रशोधन केन्द्रहरूमा लगातार ड्रोन आक्रमण गरेपछि देशभरमा इन्धन अभाव चुलिएको अवस्थामा रुसले डिजेलको सम्पूर्ण निर्यातमा प्रतिबन्ध लगाएको हो । यसैबिच, स्टेट अफ होर्मुजमा बढ्दो तनावका कारण विश्व ऊर्जा बजारमा थप अस्थिरता देखिएको छ ।

रुसी उपप्रधानमन्त्री अलेक्जेन्डर नोभाकले राष्ट्रपति भ्लादिमिर पुटिनसँगको टेलिभिजन बैठकमा डिजेल निर्यातमा पूर्ण प्रतिबन्ध लगाउने निर्णय सार्वजनिक गर्दै यसको उद्देश्य घरेलु बजारमा पर्याप्त आपूर्ति सुनिश्चित गर्नु रहेको बताएका छन् ।