क्यानद्वारा २०२६ का लागि राष्ट्रिय क्रिकेट खेलाडीको नयाँ वर्गीकरण सार्वजनिक, रोहित, दीपेन्द्र र सन्दीप ‘ए प्लस’ मा

काठमाडौं । नेपाल क्रिकेट संघ (क्यान) ले सन् २०२६ का लागि राष्ट्रिय क्रिकेट खेलाडीहरूको नयाँ वर्गीकरण तथा पारिश्रमिक सार्वजनिक गरेको छ। क्यानले पुरुषतर्फ ३८ र महिलातर्फ २५ खेलाडीलाई विभिन्न श्रेणीमा समेट्दै मासिक तलब र म्याच फीको व्यवस्था गरेको हो।

क्यानका प्रवक्ता छुम्बी लामाका अनुसार खेलाडीहरूको प्रदर्शन, अनुभव र योगदानका आधारमा वर्गीकरण गरिएको हो। यसपटक पुरुषतर्फ ‘ए प्लस’ श्रेणी थप गरिएको छ।