आपराधिक पृष्ठभूमिका अभिषेक गिरीको घरमा प्रहरीको छापा

विराटनगर: मोरङ प्रहरीले पटक-पटक विवादमा आइरहने आपराधिक पृष्ठभूमिका अभिषेक गिरीको विराटनगरस्थित घरमा शनिबार बिहान छापा मारेको छ। गुण्डा नाइकेका रूपमा परिचित गिरीको घरमा प्रहरीले झिसमिसे बिहानैदेखि छापा मारेको हो।

मोरङ प्रहरी स्रोतका अनुसार गिरीको घरमा अवैध हतियार लुकाएर राखिएको आशंकामा सर्च अपरेसन चलाइएको छ। शनिबार बिहानैदेखि प्रहरीले गिरीको घरलाई घेरा हालेर खानतलासी गरिरहेको छ।