क्यान्सर उपचारमा प्रयोग हुने कार्बोप्लाटिन अभाव टर्ने संकेत, चार हजार भाइल थप आयात हुँदै

काठमाडौं।

क्यान्सर रोगको उपचारमा अत्यावश्यक मानिने कार्बोप्लाटिन इन्जेक्सनको अभावका कारण चिन्तित बिरामी र तिनका परिवारलाई राहत दिने गरी आगामी केही दिनभित्र थप चार हजार भाइल औषधि नेपाल आइपुग्ने भएको छ। नेपालका दुई औषधि आयातकर्ता कम्पनीले भारतबाट ठूलो परिमाणमा कार्बोप्लाटिन आयात गर्ने प्रक्रिया अघि बढाएपछि पछिल्लो समय देखिएको अभाव केही हदसम्म समाधान हुने अपेक्षा गरिएको छ।