विदेशबाट फर्किएका युवा भेडापालनमा

रोजगारीका लागि विदेश जाने युवाको सङ्ख्या बढिरहेका बेला म्याग्दीको अन्नपूर्ण गाउँपालिका–५ पाउद्धारका केही युवाले भने विदेशमा सिकेको सीप र कमाएको पुँजी गाउँमै लगानी गरेर भेडापालन व्यवसाय सुरु गरेका छन् ।

पाउद्धारका ३८ वर्षीय मनिराम पाइजा छ वर्ष रोजगारीका लागि दुबईमा बस्नुभयो । विदेशमा रहँदा सिकेको व्यावसायिक ज्ञान र सीप तथा त्यहाँबाट आर्जन गरेको पुँजीलाई आफ्नै गाउँमा लगानी गर्ने सोच बनाएर उहाँले भेडापालन सुरु गर्नुभएको छ । उहाँलाई सोही ठाउँका कमल मगर र अरुण मगरले साथ दिनुभएको छ । दुवै जना वैदेशिक रोजगारीबाट फर्किनुभएको हो ।