नवलपरासीका स्थानीय तहको बेरुजु १८ करोड

परासी : नवलपरासीका स्थानीय तहको कुल बेरुजु रकम १८ करोड बढी देखिएको छ । महालेखापरीक्षकको कार्यालयले प्रकाशन गरेको ६३ औं वार्षिक प्रतिवेदनअनुसार सात पालिकाको आर्थिक वर्ष २०८१/०८२ को कुल बेरुजु रकम १८ करोड ६ लाख ४७ हजार रहेको छ । सात पालिकाको कुल ११ अर्ब ८५ करोड ३४ लाख ९१ हजारको लेखापरीक्षण गर्दा उक्त रकम बेरुजु देखिएको हो ।

प्रतिशतका आधारमा सबैभन्दा बढी बेरुजु पाल्हीनन्दन गाउँपालिकाको रहेको छ भने सबैभन्दा कम बेरुजु रकम सुनवल नगरपालिकाको रहेको छ ।