काठमाडौंमै देखियो बर्ड फ्लु

काठमाडौंमा नै बर्ड फ्लु देखिएको छ । जिल्लाको गोकर्णेश्वर नगरपालिकाका विभिन्न वडामा ‘हाइली प्याथोजेनिक एभियन इन्फ्लुएन्जा’ अर्थात् बर्ड फ्लु रोग पुष्टि भएको हो ।

बर्ड फ्लु भए पछि नगरपालिकाले उच्च सतर्कता अपनाउन सर्वसाधारण तथा कृषकलाई आग्रह गरेको छ । नगरपालिकाले सार्वजनिक सूचना जारी गर्दै वडा नं. २, ३ र ४ मा बर्ड फ्लु संक्रमण देखिएपछि नियन्त्रण तथा रोकथामका कामलाई तीव्र बनाइएको जनाएको हो । संक्रमण फैलिन नदिन प्रभावित क्षेत्रमा रहेका हाँस, कुखुरा, बट्टाई, लौकाट लगायत पन्छी, अण्डा तथा पन्छीको दाना सुरक्षित रूपमा नष्ट गरी खाल्डोमा गाड्ने तथा क्षेत्रलाई पूर्ण रूपमा निसंक्रमण गर्ने काम भइरहेको नगरपालिकाले जनाएको छ ।