भैरहवाको कालिङ्गा क्यासिनोमा जुवा खेल्ने ५ नेपालीसहित ६ जना नियन्त्रणमा

काठमाडौं । प्रहरीले भैरहवाको कालिङ्गा क्यासिनोमा जुवा खेल्ने ५ नेपालीसहित ६ जनालाई पक्राउ गरेको छ ।

लुम्बिनी प्रदेश प्रहरी कार्यालयबाट खटिएको विशेष प्रहरी टोलीले सिद्धार्थनगर नगरपालिका–१० स्थित कालिङ्गा क्यासिनोमा नेपाली नागरिकहरू प्रवेश गरी जुवा खेलिरहेको सूचनाका आधारमा चेकजाँच गर्दा जुवा खेलिरहेको अवस्थामा ५ जना नेपाली नागरिकसहित क्यासिनोका पिट म्यानेजरलाई नियन्त्रणमा लिएको हो ।