ग्यासमा कालोबजारी गरेको आरोपमा दुई व्यवसायी भक्तपुरबाट पक्राउ, ८९ सिलिन्डर बरामद

काठमाडौँ । तोकिएको मूल्यभन्दा बढी रकम लिएर खाना पकाउने एलपी ग्यास बिक्री गरेको आरोपमा प्रहरीले भक्तपुरबाट दुई जनालाई पक्राउ गरेको छ। भक्तपुर नगरपालिका–२ इटाछे र सूर्यविनायक नगरपालिका–३ ब्रह्मनगरमा गरिएको छुट्टाछुट्टै अनुगमनका क्रममा उनीहरू पक्राउ परेका हुन् । प्रहरीले दुवै स्थानबाट विभिन्न कम्पनीका गरी ८९ वटा भरिएका ग्यास सिलिन्डरसमेत नियन्त्रणमा लिएको जनाएको छ।

प्रहरीका अनुसार बिहीबार साँझ करिब ५ बजे सूर्यविनायक–३ ब्रह्मनगरस्थित सर्लाही जनरल स्टोरमा अनुगमन गरिएको थियो। उक्त पसलमा एलपी ग्यासको एक सिलिन्डर २ हजार ८ सय रुपियाँमा बिक्री भइरहेको सूचना पाएपछि अपराध अनुसन्धान कार्यालय टेकुबाट प्रहरी निरीक्षक हेमबहादुर थपलियाको नेतृत्वमा टोली परिचालन गरिएको थियो ।