भोटेकोशीमा फेरि बढ्यो बाढी, मुग्लिनसम्मका तटीय क्षेत्रमा उच्च सतर्कता अपनाउन आग्रह

काठमाडौँ । भोटेकोशी नदीमा पुनः बाढी बढेपछि रसुवादेखि मुग्लिनसम्मको तटीय क्षेत्रमा उच्च सतर्कता अपनाउन आग्रह गरिएको छ।

जिल्ला प्रहरी कार्यालय रसुवाले भदौ १२ गते राति चीनतर्फबाट भोटेकोशीमा बाढी बढेको सूचना प्राप्त भएको जनाएको छ। प्रहरीले राति ८:५४ बजे सूचना जारी गर्दै नदी आसपासका बासिन्दालाई सतर्क रहन आग्रह गरेको हो।