आफूलाई अरूसँग नदाँज्नुहोस्, हरेक व्यक्तिमा अलग-अलग प्रतिभा हुन्छ : राजेश हमाल

पूर्वी चितवनको अग्रणी शैक्षिक संस्था न्यू क्यापिटल कलेजले आफ्नो स्थापनाको २५ औं वर्ष अर्थात् रजत जयन्तीको अवसरमा सञ्चालन गरिरहेको विशेष कार्यक्रमअन्तर्गत सोमबार अभिनेता राजेश हमालसँग अन्तरक्रिया गरेको छ ।

रत्ननगर नगरपालिका-४ टाँडीस्थित कलेज परिसरमा आयोजित ‘विद्यालयदेखि सिनेमा युगसम्म’ विषयक विशेष संवादमा कलेजका प्राचार्य भूपेन्द्र धितालले अभिनेता राजेश हमालसँग सिनेमा, जीवन, संघर्ष, समाज र युवा पुस्ताको भूमिकालगायत विविध विषयमा संवाद गरे ।