महिला उद्यमशीलता लागि कर्जा प्रवाह बढाउन माग

बुटवल । रुपन्देहीमा महिला उद्यमीहरुले उद्यमशीलता विकासका लागि बैंक तथा वित्तिय संस्थाबाट दिने कर्जालाई सरल र सहज बनाउन माग गरेका छन् । बैंकहरुले विपन्न कर्जा र महिला उद्यमशीलता शीर्षकको ऋणमा लक्षित वर्ग छुट्याउने गरेपनि आफुहरुले सहज रुपमा नपाएको गुनासो गरे ।

शनिबार साइन रेसुंगा डेभलपमेन्ट बैंक र सञ्चारिका समूह लुम्बिनीले एकल तथा द्धन्द्धपीडित उद्यमी महिलाहरुसँग बुटवलमा गरेको कार्यक्रममा उनीहरुले बैंक तथा वित्तिय संस्थालाई महिला उद्यमशीलता, साना तथा मझौला उद्योगमा १५, विपन्न वर्गमा ५, कृषिमा १५ र उर्जामा १० प्रतिशत लगानी गर्नुपर्ने प्रावधानअनुसारको काम नभएको बताए । धेरै बैंकहरुले लक्ष्यअनुसार खर्च नगर्दा समस्यामा परेको महिला उद्यमीहरुले लुम्बिनी महिला उद्यमी संघकी अध्यक्ष रचना पन्थले बताइन्।