'प्रसव पीडामा रहेकी आमाले अस्पतालको ढोकामै उपचारका लागि संघर्ष गर्नुपर्ने अवस्था अत्यन्तै लज्जास्पद'

सप्तरीको राजविराजमा आर्थिक अभावका कारण सुत्केरी महिलाले स्वास्थ्य सेवा पाउन नसकेको घटनाप्रति जय नेपाल पार्टीनिकट नेपाल महिला संगठनले गम्भीर ध्यानाकर्षण भएको जनाएको छ।

संगठनकी सभापति चाहना (चम्पा) अधिकारीले शुक्रबार विज्ञप्ति जारी गर्दै स्वास्थ्यकर्मीको निगरानी र सहयोगबिना आमाले बच्चा जन्माउनुपर्ने अवस्था अत्यन्तै पीडादायी र लज्जास्पद भएको बताएकी छन्।