फेदीखोलामा पहिलो ‘मौरी तथा मह मेला’ : कृषक आत्मनिर्भरताको नयाँ अभियान

गण्डकी । फेदीखोला गाउँपालिकाको पहिलो ‘मौरी तथा मह मेला’ले मह उत्पादन, कृषि प्रवद्र्धन र अर्थतन्त्रलाई जोड्दै मौरीपालन व्यवसायको विकास, बजार विस्तार र कृषक आत्मनिर्भरताको सन्देश दिएको छ । मेलामा किसानहरुले अनुभव आदानप्रदानदेखि बजार विस्तारका लागि नेटवर्क विस्तारसम्मको अवसर पाएका छन् ।

स्थानीय महको प्रयोग, स्वास्थ्य, कृषि प्रवद्र्धन र आर्थिक आत्मनिर्भरतासँग जोड्ने उद्देश्यले स्याङ्गजाको फेदीखोला गाउँपालिकामा पहिलो पटक ‘मौरी तथा मह मेला’ आयोजना गरिएको छ । मेलाले मौरीपालन व्यवसायको विकास, उत्पादन तथा बजार विस्तारमा सहयोग पु¥याउने अपेक्षा गरिएको छ ।