विमानस्थलमा नेपाली उत्पादनका वस्तुहरूको बिक्री वितरणमा विशेष व्यवस्था गरियोस् - सांसद श्रेष्ठ

काठमाडौँ । सत्तारुढ राष्ट्रिय स्वतन्त्र पार्टी (रास्वपा) की सांसद अनुश्का श्रेष्ठले त्रिभुवन अन्तर्राष्ट्रिय विमानस्थलको सबै पसलहरूमा अनिवार्य रुपमा नेपाल वस्तुहरुको बिक्री वितरणका हुने गरी आवश्यक व्यवस्था मिलाउन सरकारसँग माग गरेकी छिन् ।

विमानस्थलबाट दैनिक हजारौँ यात्रुहरू नेपालबाट बाहिर जाने भएकाले उनीहरुलाई नेपाली स्वाद, नेपाली पहिचान विश्वभर दिलाउनका लागि पनि सरकारले नेपाली उद्यमीहरुले उत्पादन गरेका वस्तुहरुलाई त्यहाँ प्राथमिकताका साथ बिक्रीका लागि राख्न आवश्यक हुने उनको तर्क थियो ।