८ महिनाका शिशु हत्यामा आमा-बाबुलाई जन्मकैद सदर गर्दै सर्वोच्चले बनायो ‘क्रूरता’ को कानूनी मानक

चितवन । घर–जग्गा र पारिवारिक विवादको आक्रोशमा आफ्नै ८ महिनाका दूधे बालकको घाँटी रेटी हत्या गर्ने आमा–बाबु दुवैलाई सर्वोच्च अदालतले जन्मकैद (२० वर्ष) को सजाय हुने गरी अन्तिम फैसला सुनाएको छ ।

सर्वोच्च अदालतका न्यायाधीशद्वय महेश शर्मा पौडेल र टेकप्रसाद ढुङ्गानाको संयुक्त इजलासले रूपन्देहीको गैडहवा गाउँपालिका–६ सूर्यपुराका श्रीराम मल्लाह र उनकी पत्नी रेनु मल्लाहलाई कर्तव्य ज्यान मुद्दामा दोषी ठहर गर्दै उच्च अदालत तुलसीपुर (बुटवल इजलास) को फैसलालाई सदर गरेको हो ।