ट्रम्पको आक्रामक आप्रवासन कदम : तथ्याङ्कले नै देखाउँछ यसको कठोरता

वासिङ्टन । अमेरिकी राष्ट्रपति डोनाल्ड ट्रम्पले आफ्नो दोस्रो कार्यकालमा अवैध आप्रवासन नियन्त्रण र निर्वासनलाई प्रमुख प्राथमिकता बनाएका छन् । ‘अमेरिकी इतिहासकै सबैभन्दा ठुलो निर्वासन अभियान’ सञ्चालन गर्ने उनको प्रतिबद्धतासँगै आप्रवासीमाथि धरपकड, बढ्दो हिरासत, तीव्र निर्वासन र बल प्रयोगले पनि सीमा नागेको छ । अमेरिकी सरकारका तथ्याङ्क तथा विभिन्न स्वतन्त्र स्रोतका आधारमा गरेको विश्लेषणले ट्रम्प प्रशासनको आप्रवासन अभियान कति व्यापक बनेको छ भन्ने उजागर गर्दछ ।

ट्रम्प प्रशासनले पक्राउ अभियानमा मुख्यतः आपराधिक पृष्ठभूमि भएका आप्रवासीलाई लक्षित गरिएको दाबी गर्दै आएको छ । तर विभिन्न अनुसन्धानका अनुसार पक्राउ पर्ने अधिकांश व्यक्तिको आपराधिक अभियोगमा दोषी ठहर भएको रेकर्ड छैन ।