यसकारण गलत छ काननुमन्त्रीको दाबी

काठमाडौं । कानुन, न्याय तथा संसदीय मामिलामन्त्री सोविता गौतमले राष्ट्रिय सभाले असहयोग गरेका कारण कानुन तथा नीति निर्माणमा ढिलाइ भएको भन्दै अभिव्यक्ति दिइरहे पनि संसदीय अभिलेख भने उनको दाबी वपिरित देखिएको छ ।

रास्वपा नेतृत्वको सरकार बनेपछि राष्ट्रिय सभाले सरकारले ल्याएका चार अध्यादेश सर्वसम्मत रूपमा स्वीकृत गर्नुका साथै तिनलाई प्रतिस्थापन गर्ने चारवटै विधेयकसमेत पारित गरेको छ । तर कानुनमन्त्री भने राष्ट्रिय सभाका कारण कानुन र नीति निर्माणमा सकस भइरहेको गलत तथ्य प्रस्तुत गरिरहेकी छिन् ।