बाबुराम भन्छन्, ‘विदेशी स्याउलाई रेमिटेन्स, जुम्लाको स्याउलाई बेवास्ता !’

काठमाडौं– पूर्वप्रधानमन्त्री डा बाबुराम भट्टराईले नेपाली उपभोक्तालाई विदेशी स्याउको सट्टा स्वदेशमै उत्पादित स्याउ प्रयोग गर्न आग्रह गरेका छन्। जुम्लाको स्याउको स्वादको प्रशंसा गर्दै उनले स्वदेशी उत्पादनलाई प्राथमिकता दिनुपर्ने बताएका हुन्।

चन्दननाथ बहुउद्देश्यीय सहकारीका अध्यक्ष ऋषिराम पाण्डेलाई जुम्लाको स्याउ उपलब्ध गराएकोमा धन्यवाद दिँदै भट्टराईले सामाजिक सञ्जालमा नेपालले ठूलो परिमाणमा कृषिजन्य वस्तु आयात गरिरहेको अवस्थाप्रति प्रश्न उठाएका छन्।