हिरासतमा स्वास्थ्य बिग्रिएपछि घरमै नजरबन्द मागिरहेकी छिन् मदुरोकी पत्नी

भेनेजुएलाका पूर्वराष्ट्रपति निकोलस मादुरोकी पत्नी सिलिया फ्लोरेसले आफूलाई घरमै नजरबन्दमा बस्न दिन माग गरेकी छन् । अमेरिकाको हिरासतमा बसिरहेकै बेलामा उनको स्वास्थ्य अवस्था बिग्रिँदै गएको र मुटुसम्बन्धी समस्या थप गम्भीर बनेको भन्दै उनको कानुनी टोलीले अदालतसमक्ष यस्तो माग गरेको हो ।

फ्लोरेसका वकिलहरूले बुधबार दायर गरेको पूर्वपरीक्षण रिहाइसम्बन्धी निवेदनमा उनलाई म्यानहट्टनस्थित मदुरो दम्पतीकै घरमा नजरबन्दमा राखेर मुद्दाको सुनुवाइ पर्खन दिन माग गरिएको छ । कानुनी टोलीका अनुसार हिरासत केन्द्रमा मुटुसम्बन्धी आवश्यक उपचार तथा स्वास्थ्यलाभका लागि उपयुक्त सुविधा उपलब्ध छैन ।