आईविवी नेपालद्वारा बाढीपीडितका लागि ५० लाख सहयोग

काठमाडौं- अष्ट्रेलियन ब्रान्ड आईविवी अष्ट्रेलिया (AIWIBI AUSTRALIA)का डायपर तथा बेबी केयर उत्पादनको नेपालका लागि आधिकारिक वितरक शुभम् हेल्थ केयर प्रोडक्ट्स प्रालिले भोटेकोशी बाढीपीडितको राहत तथा उद्धारका लागि ५० लाख रुपैयाँ सहयोग गरेको छ।

कम्पनीले प्रधानमन्त्री दैवी प्रकोप उद्धार कोषमा जम्मा गर्ने गरी उक्त रकमको चेक अर्थमन्त्री स्वर्णिम वाग्लेलाई हस्तान्तरण गरेको हो। आईविवी नेपालकी प्रबन्ध निर्देशक ब्यूटी कुमारी सर्राफले चेक हस्तान्तरण गरेकी हुन्।