बाढी प्रभावित विद्यार्थीलाई इम्बार्क कलेजको २ करोड ७० लाखको पूर्ण छात्रवृत्ति, राहत कोषमा ६ लाखभन्दा बढी सहयोग

ललितपुर- भोटेकोशी क्षेत्रमा आएको बाढीबाट प्रभावित परिवारका विद्यार्थीको उच्च शिक्षा प्रभावित हुन नदिन इम्बार्क कलेजले २ करोड ७० लाख रुपैयाँ बराबरको पूर्ण छात्रवृत्ति उपलब्ध गराउने घोषणा गरेको छ।

नेपाल सरकारले बाढी प्रभावित परिवारका विद्यालय तहका विद्यार्थीलाई लक्षित गर्दै अघि सारेको छात्रवृत्ति पहललाई समर्थन गर्दै कलेजले उच्च शिक्षा अध्ययन गर्ने विद्यार्थीलाई समेत सहयोग पुर्याउने उद्देश्यले पूर्ण छात्रवृत्तिको घोषणा गरेको हो।