स्विट्जरल्यान्डमा ४८ पर्यटक चढेको बस दुर्घटना

जेनेभा। पूर्वी स्विट्जरल्यान्डमा ४८ जना डच पर्यटक सवार कोच दुर्घटना हुँदा धेरै जनाको मृत्यु भएको छ भने अन्य यात्रु घाइते भएका छन्। ग्रुबुन्डेन क्यान्टनको सुस्क र जेर्नेज नगरपालिकाबीच बिहीबार साँझ सुरक्षा अवरोधमा ठोक्किएर कोच पल्टिँदै बाँधबाट तल खसेको प्रहरीले जनाएको छ।

दुर्घटना स्थानीय समयअनुसार साँझ ४ः४५ बजे भएको हो। क्यान्टोनल प्रहरीले मृतक र घाइतेको यकिन संख्या तत्काल सार्वजनिक नगरी परिवारलाई जानकारी गराउने प्रक्रिया भइरहेको जनाएको छ। घटनास्थलमा उद्धारकर्मी तथा हेलिकप्टर परिचालन गरिएको थियो।