सशस्त्र प्रहरीमा ६ सय ६६ जना कर्मचारी माग, कक्षा ८ पास गरेकाले पनि आवेदन दिन पाउने

काठमाडौं । सशस्त्र प्रहरी बलमा ठूलो संख्यामा कर्मचारी माग भएको छ । सशस्त्र प्रहरी बल, नेपाल प्रधान कार्यालयको मानवस्रोत निर्देशनालयले विभिन्न पदमा ६ सय ६६ नयाँ भर्ना आह्वान गरेको हो ।

सशस्त्र प्रहरी बलले सशस्त्र प्रहरी जवान (सामान्य समूह) तर्फ विभिन्न पदहरू र सशस्त्र प्रहरी परिचर (विभिन्न ट्रेड) का लागि दरखास्त आह्वान गरेको छ । जसमा सशस्त्र प्रहरी जवान (भान्छे), सशस्त्र प्रहरी परिचर (कुचीकार), सशस्त्र प्रहरी परिचर (सूचिकार), सशस्त्र प्रहरी परिचर (केशकर्तक), सशस्त्र प्रहरी परिचर (चर्मकर्मी) र सशस्त्र प्रहरी परिचर (माली) गरी विभिन्न पदमा आवेदन खुलाइएको छ । कक्षा ८ उतीर्ण गरेकाले पनि आवेदन दिन पाउनेछन् ।