भन्सार मूल्यांकनमा सुधार, अन्तर्राष्ट्रिय बजार मूल्यसम्बन्धी नयाँ डेटाबेस प्रणाली लागू

काठमाडौं । भन्सार प्रशासनलाई थप आधुनिक, पारदर्शी र तथ्यमा आधारित बनाउने उद्देश्यसहित भन्सार विभागले कस्टम्स भ्यालुएशन डाटाबेस सिस्टममा अन्तर्राष्ट्रिय बजार मूल्यसम्बन्धी सूचना समावेश गरेको छ । विभागले नयाँ प्रणालीलाई औपचारिक रूपमा सञ्चालनमा ल्याउँदै आयातित वस्तुको मूल्यांकन प्रक्रियालाई थप विश्वसनीय बनाउने लक्ष्य लिएको जनाएको छ ।

अर्थ मन्त्रालयमा आयोजित कार्यक्रममा अर्थमन्त्री स्वर्णिम वाग्लेले प्रणालीको उद्घाटन गर्दै भन्सार मूल्य निर्धारणमा एकरूपता, पारदर्शिता र प्रविधिको प्रयोग विस्तार गर्न यो प्रणाली उपयोगी हुने बताएका छन् । उनका अनुसार अन्तर्राष्ट्रिय बजार मूल्यमा आधारित मूल्यांकन प्रणालीले व्यापारिक प्रक्रिया सहज बनाउन र राजस्व प्रशासनलाई थप प्रभावकारी बनाउन मद्दत गर्नेछ ।