बूढानीलकण्ठ नगरपालिकाद्वारा नि:शुल्क ‘बेसिक एआई बुटक्याम्प’ तालिमका लागि आवेदन आह्वान

काठमाडौं । बूढानीलकण्ठ नगरपालिकाले सूचना प्रकाशित गर्दै ‘बेसिक एआई (Artificial Intelligence) बुटक्याम्प’ तालिमका लागि आवेदन आह्वान गरेको छ । नगरपालिकाको आईटी लिटरेसी कार्यक्रम अन्तर्गत सञ्चालन हुने उक्त तालिम युवाहरूमा प्रविधिमैत्री सीप विकास, डिजिटल साक्षरता अभिवृद्धि तथा रोजगारी प्रवर्द्धन गर्ने उद्देश्यले आयोजना गर्न लागिएको हो ।

नगरपालिकाद्वारा जारी सूचनाअनुसार, चालु आर्थिक वर्ष २०८२/०८३ को स्वीकृत बजेटअन्तर्गत सञ्चालन हुने तालिममा १०० जना सहभागी छनोट गरिनेछ । तालिम नि:शुल्क रूपमा सञ्चालन गरिने जनाइएको छ ।