घर झगडामा वृद्ध बुबा पक्राउ पर्दा झा परिवारमा रोदन, सांसद आशाले के भनेकी रहिछन्?

सुनसरी– ‘जग्गा हाम्रो हो भनेका छैनौँ, भाइको घर छाड्न हामी पूर्ण रूपमा तयार नै थियौँ... केवल नयाँ घर नसकिएसम्म केही समय मागेका थियौँ। तर ८० हजार रुपैयाँ ऋण र हामीले बनाएको संरचनाको क्षतिपूर्ति माग्दा वृद्ध बुबालाई नै हतकडी लगाइयो!’

सुनसरीको हरिनगर गाउँपालिका–४ का निरज झा यतिवेला भक्कानिँदै न्यायका लागि हारगुहार गरिरहेका छन्। पुख्र्यौली सम्पत्ति, दाजुभाइबीचको घरायसी असमझदारी र लेनदेनको लामो किचलो प्रहरीको दैलोसम्म पुगेपछि अहिले एउटा सिङ्गो परिवार मर्माहत बनेको छ।