एफएटीएफको ग्रे लिस्टबाट निस्कन अमेरिकी अर्थमन्त्रीसँग भेटको प्रयास भइरहेको छः वाग्ले

काठमाडौं । अर्थमन्त्री डा. स्वर्णिम वाग्लेले वित्तीय कारबाही कार्यदल (एफएटीएफ)को ग्रे लिस्टबाट नेपाललाई बाहिर निकाल्न सरकारले उच्च प्राथमिकताका साथ काम गरिरहेको बताएका छन् ।

नेपाल आर्थिक पत्रकार समाज (सेजन)को २८औं वार्षिक साधारणसभामा बोल्दै अर्थमन्त्री वाग्लेले नेपाललाई ग्रे लिस्टबाट बाहिर निकाल्नका लागि अन्तर्राष्ट्रिय स्तरमै नेपालको पक्ष बलियो ढङ्गले प्रस्तुत गर्न टोली परिचालन गरिएको जानकारी दिएका हुन् ।