बाढीपीडित व्यवसायीलाई पाँच वर्ष कर छुटसहित राहत प्याकेज दिन माग

काठमाडौं – नेपाल उद्योग वाणिज्य महासंघका अध्यक्ष अञ्जन श्रेष्ठले रसुवाको भोटेकोशी बाढीबाट प्रभावित उद्योगी तथा व्यवसायीका लागि पाँच वर्षसम्म कर तथा गैरकर छुटसहित विशेष राहत प्याकेज ल्याउन सरकारसँग माग गरेका छन् ।

शुक्रबार नेपाल आर्थिक पत्रकार समाजको २८औँ साधारणसभामा बोल्दै अध्यक्ष श्रेष्ठले बाढीबाट पूर्ण तथा आंशिक क्षति भएका उद्योग तथा व्यवसायको पुनःस्थापनाका लागि सरकारले विशेष नीति ल्याउनुपर्ने बताए ।