ग्यास लुकाउनेलाई प्रशासनको झापड: ६० वटा ग्यास नियन्त्रणमा लिएर सर्वसाधारणलाई वितरण!

मध्यपुर ब्याङ्क्वेटमा लुकाएर राखिएको अवस्थामा फेला परेका ६० वटा एलपीजी ग्यास सिलिन्डर जिल्ला प्रशासन कार्यालय भक्तपुरको सक्रियतामा सर्वसाधारणलाई वितरण गरिएको छ। ग्यास अभावका कारण उपभोक्ता लाइनमा बस्न बाध्य भइरहेका बेला स्थानीय प्रशासनले ती सिलिन्डर सर्वसाधारणका लागि बिक्री–वितरण गराएको हो।

ब्याङ्क्वेट सञ्चालकले असोजमा हुने भोजभतेरका लागि आवश्यक पर्ने भन्दै आफैं चितवन पुगेर ती ग्यास सिलिन्डर संकलन गरेर ल्याएको दाबी गरेका थिए। तर ती सिलिन्डर ब्याङ्क्वेटमा लुकाएर राखिएको अवस्थामा फेला परेपछि स्थानीय प्रशासनले आवश्यक प्रक्रिया अघि बढाएको हो।