खानेपानी र सरसफाइ सुधारका लागि एडीबीकाे ११ करोड ५० लाख डलर ऋण स्वीकृत

काठमाडौँ । एसियाली विकास बैंक (एडीबी) ले नेपालका नगरपालिकाहरूमा खानेपानी र सरसफाइ प्रणालीमा सुधार गर्न ११ करोड ५० लाख अमेरिकी डलर (करिब १५ अर्ब ३० करोड रुपैयाँभन्दा बढी) बराबरको सहुलियतपूर्ण ऋण स्वीकृत गरेको छ।

एडिबीका अनुसार यस ‘एकीकृत खानेपानी आपूर्ति तथा ढल व्यवस्थापन परियोजना’ बाट नेपालका १३ जिल्लाका ८ लाख ५० हजारभन्दा बढी नागरिक प्रत्यक्ष रूपमा लाभान्वित हुनेछन्। यो परियोजना मुख्यतया सहरी क्षेत्रमा सुरक्षित खानेपानीको पहुँच विस्तार गर्न तथा ढल एवं फोहोरपानी व्यवस्थापनलाई व्यवस्थित बनाउन केन्द्रित हुनेछ।