चिलिमेको सुरूङमा फसेकाहरू सकुशल हुनसक्ने आशामा बल पुगेको छ– कुलमान घिसिङ

उज्यालो नेपाल पार्टीका अध्यक्ष एवं पूर्वऊर्जामन्त्री कुलमान घिसिङले चिलिमे जलविद्युत आयोजनाको सुरूङभित्र फसेका व्यक्तिहरू सकुशल रहेको हुनसक्ने आशा र अनुमानलाई बल पुगेको बताएका छन्।

सामाजिक सञ्जाल फेसबुकमा लेख्दै उनले सुरूङ भित्रबाट चिसो हावा समेत आइरहेकाले फसेको आशंका गरिएका व्यक्तिहरू सकुशल हुन सक्ने आशा बढेको बताएका हुन्।