महाधिवेशन तोकिएको समयभन्दा एक घण्टा पनि सर्दैन : सभापति थापा

नेपाली कांग्रेसका सभापति गगनकुमार थापाले संविधान, पार्टी विधान र अदालतको फैसलाका कारण कांग्रेसको महाधिवेशन तोकिएको समयभन्दा एक घण्टा पनि नसर्ने दाबी गरेका छन्। पार्टीका नेता तथा कार्यकर्तामा महाधिवेशनको तिथि मिति सर्ने हो कि भन्ने आशङ्का रहेको भन्दै थापाले कुनै पनि अलमलमा नपर्न आग्रह गरे।

‘केही दिनमै कांग्रेसको अधिवेशन प्रक्रिया प्रारम्भ हुन्छ। असोज ३ र ४ गते वडा अधिवेशन र असोज १६ गतेबाट महाधिवेशनको प्रक्रिया सुरु हुन्छ,’ थापाले भने, ‘हामी संविधान, पार्टीको विधान र अदालतको फैसलाले बाँधिएका छौँ। महाधिवेशन एक घण्टा पनि सर्दैन।’