श्रीलंकामा नेपालले ३७ बर्ष अघि किनेको जग्गाको छैन लालपूर्जा !

काठमाडौं । श्रीलंकाको कोलम्बोस्थित राजगिरियामा नेपाली राजदूतावासले ३७ बर्ष अघि किनेको १.५ एकड जग्गाको जग्गाधनी पुर्जा अर्थात् लालपूर्जा नै नभएको देखिएको छ । उल्टै उक्त जग्गा त्यहाँका व्यक्तिको नामबाट नियमित रुपमा खरिद बिक्री भएको बिषय महालेखा परीक्षकको कार्यालयले आफ्नो ६३औं प्रतिवेदनमार्फत खुलासा गरेको छ ।

श्रीलंकाको कोलम्बोस्थित राजगिरियामा नेपाली राजदूतावास स्थापना गर्न सन् १९८९ मे १८ उक्त जग्गा किनिएको थियो । श्रीलंकाको एक कर्पोरेसनबाट तीन लाख ६० हजार डलरमा १.५ एकड जग्गा खरिद गरिएको थियो । तर, हाल उक्त जग्गा उपयोग विहीन अवस्थामा रहेको छ । जग्गाको मुल्यांकन भने ६५ लाख डलर पुगेको छ ।