गौरादहका किसान फेरि आन्दोलनमा

काठमाडौँ । धानको उचित मूल्य निर्धारणको माग गर्दै गौरादहका किसानहरू फेरि आन्दोलनमा उत्रिएका छन्। आफ्नै खेतमा दिनरात पसिना बगाएर उत्पादन गरेको अन्नले उचित मूल्य नपाएको भन्दै किसानहरूले यसपटक पनि सडक र नगरपालिकाको ढोका ढकढक्याउन बाध्य भएको बताए।

किसान आन्दोलन संघर्ष समितिमार्फत गौरादह नगरपालिकामा ज्ञापनपत्र बुझाउँदै किसानहरूले कृषि उत्पादनको न्यूनतम समर्थन मूल्य (दशबन्द) तत्काल कायम गर्न माग गरेका छन्। ज्ञापनपत्रमा उत्पादन लागत दिनप्रतिदिन बढिरहेको अवस्थामा किसानले बजारमा न्यून मूल्य मात्रै पाउनुपरेको उल्लेख गरिएको छ। किसानहरूको भनाइअनुसार मल, बिउ, विषादी, सिंचाइ तथा मजदुरी खर्च आकासिएको छ, तर सरकारले किसानको उत्पादनलाई उचित मूल्य सुनिश्चित गर्न नसक्दा किसानहरू निराश बन्दै गएका छन्।