रूखले च्याप्दा रोल्पामा दुई महिलाको मृत्यु

रोल्पाको थवाङ गाउँपालिकामा हावाहुरीका कारण ढलेको रूखले च्याप्दा दुई महिलाको मृत्यु भएको छ। मृत्यु हुनेमा थवाङ गाउँपालिका–२ हेलोवाङकी ६० वर्षीया रुजु झाँक्री र ५० वर्षीया मनबुजी झाँक्री रहेको प्रहरीले जनाएको छ।

नेपाल प्रहरीका अनुसार सोमबार बेलुकी दुवै जना थवाङ आधारभूत अस्पतालमा बिरामी भेटेर घर फर्किने क्रममा हावाहुरीसहित पानी परेको थियो। सोही समयमा बाटोमाथिबाट उत्तिसको रूख ढल्दा उनीहरू च्यापिएका थिए।