सरकार कानुनी राज्यको बर्खिलाप जाने अभ्यासमा छ : नैनसिंह महर

काठमाडौँ । नेपाली कांग्रेसका नेता नैनसिंह महरले वर्तमान सरकार कानुनी राज्यको धज्जी उडाउँदै लोकतान्त्रिक र संवैधानिक व्यवस्थाको उपहास गर्न लागेकाले सबै पक्ष सजग रहनुपर्ने बताएका छन् । नेपाल वैदेशिक रोजगार व्यवसायी सङ्घको तेह्रौँ साधारण सभालाई सम्बोधन गर्दै महरले साे कुरा बताएका हुन् ।

विदेशमा पसिना बगाइरहेका लाखौँ नेपाली श्रमिकको योगदानको चर्चा गर्दै उनीहरूको त्यागले देशको अर्थतन्त्र धानिरहेको तर सरकार भने ब्यबसायीहरुको तेजोवध गर्नतर्फ उद्धत रहेको बताउँदै उनले भने– ‘प्रत्येक रेमिट्यान्सको पछाडि एउटा परिवारको सपना, एउटा आमाको प्रतीक्षा र एउटा बालबालिकाको भविष्य जोडिएको हुन्छ। त्यसैले श्रमिकको सम्मान र उनीहरूको अधिकारको संरक्षण हाम्रो साझा दायित्व हो ।’