पाकिस्तानी टेस्ट खेलाडीको म्याच-फी दोब्बरले बढ्ने, उपाधि जिते ५०० प्रतिशतसम्म बोनस !

इस्लामावाद । पाकिस्तान क्रिकेट बोर्डले आगामी २०२६–२७ को केन्द्रीय सम्झौतामा व्यापक र ऐतिहासिक फेरबदल गर्ने तयारी गरेको छ । नयाँ फर्म्याटमा आधारित सम्झौता प्रणाली अन्तर्गत विशेष गरी टेस्ट क्रिकेट खेल्ने खेलाडीहरूको म्याच फी (प्रतियोगिता शुल्क) साविकको तुलनामा दोब्बरभन्दा बढीले वृद्धि गरिने भएको हाे ।

नयाँ नियम अनुसार टेस्ट क्रिकेटको ‘ट्र्याक-ए’ मा पर्ने खेलाडीहरूको प्रतिम्याच शुल्क १५ लाख पाकिस्तानी रुपैयाँबाट बढाएर करिब ४० लाख रुपैयाँ पुर्‍याइने सम्भावना छ । ह्वाइट-बल हेड कोच माइक हेसन र रेड-बल हेड कोच सरफराज अहमद सम्मिलित समितिले यस नयाँ सम्झौताको मस्यौदा तयार पारेको पीसीबी स्रोतले जनाएको छ ।