हुथीविरुद्ध साउदी अभियानमा अमेरिकाको सैन्य सहयोग विस्तार

काठमाडौं । इरान समर्थित हुथीहरूविरुद्ध यमनमा साउदी अरबले सञ्चालन गरिरहेको सैन्य अभियानमा गुप्तचर तथा लक्ष्य पहिचानसम्बन्धी सहयोग प्रदान गर्न १०० भन्दा बढी अमेरिकी सैन्य सल्लाहकारहरू साउदी अरबमा खटिएका छन् ।

अमेरिकी सहयोग यस्तो समयमा आएको हो, जब अरब प्रायद्वीपमा युद्ध चर्किँदै गएको छ र हुथीहरूसँगको द्वन्द्व खुला युद्धमा परिणत हुने जोखिम बढेको छ । यसले मध्यपूर्वबाट बाहिर जाने अर्को प्रमुख समुद्री व्यापारिक मार्गलाई समेत खतरामा पार्न सक्छ ।