द हन्ड्रेड खेल्ने पहिलो पाकिस्तानी महिला खेलाडी बन्दै फातिमा सना

पाकिस्तानकी कप्तान फातिमा सना इंग्ल्यान्डको प्रतिष्ठित फ्रेन्चाइज क्रिकेट प्रतियोगिता द हन्ड्रेड खेल्ने पहिलो पाकिस्तानी महिला खेलाडी बन्ने भएकी छन्। २४ वर्षीया अलराउन्डर फातिमालाई बर्मिङ्घम फिनिक्सले ‘वाइल्डकार्ड’ खेलाडीका रूपमा टोलीमा समावेश गरेको हो।

यससँगै फातिमाले पाकिस्तान महिला क्रिकेटका लागि नयाँ इतिहास रच्नेछिन्। यस वर्षको द हन्ड्रेड प्रतियोगिता जुलाई २१ देखि सुरु हुँदैछ।