सुर्खेतस्थित औद्योगिक ग्राममा २६ उद्योग, १२२ जनालाई रोजगारी

२६ भदौ, सुर्खेत । कर्णाली प्रदेश सरकारको उद्योग तथा उपभोक्ता हित संरक्षण कार्यालय सुर्खेतले सञ्चालन गरेको औद्योगिक ग्राममा २६ वटा उद्योग सञ्चालनमा रहेका छन् । ती उद्योगमा १२२ जनाले प्रत्यक्ष रोजगारी पाएका छन् ।

औद्योगिक ग्राममा घरेलु कपडा, अल्लोका कपडा तथा धागो बुनाइलगायतका उद्योग सञ्चालनमा छन् । स्थानीय कच्चा पदार्थ, श्रम, सीप र प्रविधिको प्रयोग गरी उत्पादन तथा बजारीकरणलाई प्रवर्द्धन गर्ने उद्देश्यले औद्योगिक ग्राम सञ्चालन गरिएको कार्यालयले जनाएको छ ।