होल्डिङ सेन्टरमा रहेका बाढीपीडितको सुरक्षा र अस्थायी पुनर्स्थापना होस् : सांसद केसी

२६ भदौ, काठमाडौं । प्रमुख प्रतिपक्षी दल नेपाली कांग्रेसका सांसद अर्जुननरसिंह केसीले बाढी प्रभावित रसुवा र नुवाकोटका होल्डिङ सेन्टरमा रहेका नागरिकको सुरक्षा तथा अस्थायी पुनस्र्थापनाको तत्काल व्यवस्था गर्न सरकारसँग माग गरेका छन्।

प्रतिनिधिसभाको शुक्रबारको बैठकमा बोल्दै सांसद केसीले होल्डिङ सेन्टरमा आश्रय लिइरहेका महिला, वृद्धवृद्धा तथा बालबालिकाहरू असुरक्षा र स्वास्थ्य जोखिममा रहेको भन्दै सरकारको गम्भीर ध्यानाकर्षण गराएका हुन्।