एमालेमा बादल र पोखरेलका प्रतिवेदन मर्ज गरिने, एउटै प्रतिवेदन तयार पार्ने निर्णय

काठमाडौ । नेकपा एमालेको निर्वाचन समीक्षा तथा पार्टी पुनर्गठन कार्यदलले उपाध्यक्ष रामबहादुर थापा ‘बादल’ र महासचिव शंकर पोखरेलले तयार पारेका छुट्टाछुट्टै प्रतिवेदनलाई एकीकृत गरी एउटै प्रतिवेदन तयार गर्ने निर्णय गरेको छ।

शुक्रबार बसेको कार्यदलको बैठकले दुवै नेताले प्रस्तुत गरेका प्रतिवेदनको अध्ययन तथा छलफल गरी साझा निष्कर्षसहित एउटै प्रतिवेदन तयार गर्ने निर्णय गरेको हो। बैठकमा कार्यदलका संयोजक रामबहादुर थापा ‘बादल’ले दुईवटा छुट्टाछुट्टै प्रतिवेदन प्रस्तुत गरेका थिए।