मृतककै खातामा भत्ता, २१ करोडभन्दा बढी बेरुजु : सिद्धलेकमा सुशासनमाथि महालेखाको गम्भीर प्रश्न

धादिङ ।

सिद्धलेक गाउँपालिकाको आर्थिक अनुशासन, सार्वजनिक उत्तरदायित्व र विकास निर्माणको अवस्थामाथि महालेखापरीक्षकको कार्यालयले गम्भीर प्रश्न उठाएको छ । आर्थिक वर्ष २०८१/०८२ को प्रतिवेदनले गाउँपालिकाको वित्तीय व्यवस्थापन, सामाजिक सुरक्षा वितरण, विकास आयोजना कार्यान्वयन तथा सम्पत्ति व्यवस्थापनमा देखिएका कमजोरीहरू सार्वजनिक गरेपछि गाउँपालिकाको सुशासन प्रणाली नै संकटमा परेको संकेत गरेको छ।