सरकार नागरिकका समस्या समाधान गर्न असफल भयो : वर्षमान पुन

प्रतिनिधिसभा सदस्य वर्षमान पुनले वर्तमान सरकार नागरिकका समस्या, विपद् व्यवस्थापन र सुशासनका क्षेत्रमा पूर्णतः असफल भएको बताएका छन् । प्रतिनिधिसभाको बैठकमा रोष्ट्रमबाट सम्बोधन गर्दै पुनले विपद्का बेला सरकारको उपस्थिति प्रभावकारी हुन नसकेको, युवा आन्दोलनमाथि दमन गरिएको, बजारमा कृत्रिम अभाव सिर्जना भएको तथा अत्यावश्यक स्वास्थ्य सेवामा समेत चरम लापर्बाही भएको बताए।

उनले रसुवा र नुवाकोटका दुर्गम बस्तीमा अझै राहत पुग्न नसकेको, बाढीपहिरोमा बेपत्ता भएकाहरूको खोजी तथा घाइतेको उपचारमा ढिलाइ भएको बताए। विपद्का बेला सरकारले विपक्षी दल र स्थानीय तहसँग आवश्यक समन्वय नगरे पनि प्रतिपक्षका तर्फबाट सरकारलाई सहयोग गरिएको उनको भनाइ थियो।