ग्यासमा कालोबजारी गर्ने दुई व्यवसायीलाई  ३–३ लाख जरिवाना

काठमाडौं । उपभोक्ताबाट अस्वाभाविक रूपमा बढी मूल्य असुल्ने र मिलेमतोमा ग्यास बिक्री गर्ने दुई व्यवसायीलाई वाणिज्य, आपूर्ति तथा उपभोक्ता संरक्षण विभागले ६ लाख रुपैयाँ जरिवाना गरेको छ।

बजारमा ग्यासको कालोबजारी र अनियमितता बढेको सूचनाका आधारमा विभागले गरेको अनुगमनका क्रममा एक ग्यास विक्रेता र एक ग्यास पम्पलाई जनही ३ लाख रुपैयाँका दरले जरिवाना गरिएको हो।