सप्तरीमा सुत्केरीले स्वास्थ्य सेवा नपाएको घटनाप्रति महिला संगठनको गम्भीर आपत्ति

राजविराज । सप्तरीको राजविराजमा आर्थिक अभावका कारण एक सुत्केरी महिलाले स्वास्थ्य सेवा पाउन नसकेको घटनाप्रति जय नेपाल पार्टीनिकट नेपाल महिला संगठनले गम्भीर आपत्ति जनाएको छ।

संगठनले स्वास्थ्यकर्मीको निगरानी र सहयोगबिना नै महिलाले बच्चा जन्माउनुपर्ने अवस्था दुःखद र संवेदनशील विषय भएको जनाएको छ। प्रसव पीडामा रहेकी महिलाले अस्पतालको ढोकामै उपचारका लागि संघर्ष गर्नुपर्ने अवस्था आउनु राज्य र सम्बन्धित निकायको जिम्मेवारीमाथि गम्भीर प्रश्न भएको संगठनको भनाइ छ।