१५ खर्ब डलर सम्पत्ति भएका यूएईका शेखले इरानसँगको सम्बन्धमा सुधारको प्रयास थाल्दै

एजेन्सी । महिनौं लामो द्वन्द्वपछि संयुक्त अरब अमिरात (यूएई) ले इरानसँगको सम्बन्धलाई पुनः सुधार्ने प्रयास थालेको छ । यस अभियानको केन्द्रमा एकजना शक्तिशाली व्यक्तित्व देखा परेका छन् । उनी हुन् शेख तहनुन बिन जायद अल नाह्यान ।

समाचार एजेन्सी ब्लुमबर्गका अनुसार, अबु धाबीको शासक परिवारका व्यावसायिक प्रमुख र करिब १५ खर्ब डलरको विशाल साम्राज्यका संरक्षक रहेका शेख तहनुनले अहिले यूएईको राष्ट्रिय सुरक्षा सल्लाहकारको हैसियतमा तेहरानसँग कूटनीतिक संवादको ढोका खोल्ने महत्त्वपूर्ण जिम्मेवारी सम्हालेका छन् ।