पोखरा महानगरले ल्यायाे ७ अर्ब १५ करोडको बजेट, पुँजीगततर्फ ४४.९ प्रतिशत खर्च

पोखरा / पोखरा महानगरपालिकाले आगामी आर्थिक वर्ष २०८३/८४ का लागि ७ अर्ब १५ करोड २५ लाख रुपैयाँको बजेट सार्वजनिक गरेको छ । महानगरका मेयर धनराज आचार्यले बिहीबार नीति तथा कार्यक्रम प्रस्तुत गरे भने शुक्रबार उपमेयर मञ्जुदेवी गुरुङले १९औँ नगर सभामा बजेट सार्वजनिक गरिन् ।

महानगरले 'समुन्नत पर्यटकीय पोखरा निर्माण' गर्ने लक्ष्यसहित बजेट विनियोजन गरेको छ । बजेटमध्ये चालुतर्फ ५५.१ प्रतिशत र पुँजीगततर्फ ४४.९ प्रतिशत खर्च गर्ने योजना रहेको छ ।